Es wird scho glei dumpa
Es wird scho glei dumpa,
Es wird scho glei Nåcht.
Drum kimm i zu dir her.
Mei Heiland auf’d Wåcht.
Will singen a Liadl
dem Liebling, dem Kloan.
Du magst ja nit schlåfen
I hör di nur woan
Hei, hei, hei, hei!
Schlåf süß herzliabs Kind
Vergiß hiaz. o Kinderl, dein Kummer, dei Load
daß’d dåda muaßt leiden im Ståll auf da Hoad.
Es ziern ja die Engerl dei Liegerstatt aus.
Möcht schöner nit sein drin an König sein Haus.
Måch zua deine Äugerl in Ruh und in Fried
und gib mir zum Åbschied dein Segn no gråd mit!
Åft werd jå mei Schlaferl a sorgenlos sein,
åft kånn i mi ruahli aufs Niederlegn gfrein.
Musik: Franz Friedrich Kohl und Josef Reiter
Text: Anton Reidinger
Gesetzt von Martin Thoma (http://www.thoma-stammler.at)
Video:
Sie sehen gerade einen Platzhalterinhalt von YouTube. Um auf den eigentlichen Inhalt zuzugreifen, klicken Sie auf die Schaltfläche unten. Bitte beachten Sie, dass dabei Daten an Drittanbieter weitergegeben werden.
Notenblatt für Es wird scho glei dumpa:
